كلمات تحت عنوان : ابن النيل بقلم الشاعره فاطمه المرسي

أصدقائي صديقاتي رواد جريدة ابن النيل المُنَوَّعة
سلام عليكم

فيما يلي نقدم لكم هذه الكلمات بعنوان : ابن النيل بقلم الشاعره : فاطمه المرسى
نتمنى أن تعجبكم

دا ابن النيل طلع مَجْدَع
وأجدع .. من طابور أبطال
عريض البسمه والهِمَّه
تهد جبال
طريق الحق عنوانُه
وفُوق ضهر الزمن خيَّال
وإيده بكل حنِّيه
بتمسح فوق جبين غلبان
ودمعه تفر من عينه
عشان اللي اتظلم واتهان
وشايل روحُه على كفُّه
عشان فرحه في عين إنسان
لا غاوي الدنيا ولا ناوي
يجمَّع مال
يقول طلباتكوا على عيني
يقول انتو اللي نور عيني
يقول بالروح هنفديكوا
لبر أمان نعديكوا
ووقت الشدَّة إحنا رجال
يقول آن الآوان نبني
وتمشي مركب الدنيا
يقول دي بلدنا تستاهل
تكون أكبر من الدنيا
بيتكلم بكل هدوء
وقمَّه في الأدب والذوق
وعمره ما خاف من المخلوق
دا هوَّ الأب للطفلة
وهوَّ الإبن للثكلى
وهوَّ الأخ للي أخوها
بيصلى على الجبهة
وهو الرمش والحاجب
عشان ببلدها تتعاجب
وتِفْرح كل نون نِسْوَة
ولما طارت الطرحة
دا مين اللي أوام جابها
غير ابن النيل

المصدر :
جريدة أنباء الساعة

تحريرًا في :
السبت 24 يناير 2015
في الساعة :
5 31 صباحًا

الى هنا لقاؤنا

موعدنا يتجدد  قرييباً

إنتظروني
تحياتي لكم
على جريدة ابن النيل   المُنَوَّعة دائمًا تجدون كل جديد